Konkurs Boteror ARTI NË KOHËN E KORONËS - Ministria e Kulturës
Postuar më: 12/04/2020

Konkurs Boteror ARTI NË KOHËN E KORONËS

ARTI NË KOHËN E KORONËS

 

ICCR ka filluar një konkurs global për pikturë “Të Bashkuar Kundër Koronës – Shprehje Nëpërmjet Artit”

 

Pandemia COVID-19 në të gjithë botën ka prekur jetën e çdo qenie njerëzore në Tokë! Është e rëndësishme nxjerrja e emocioneve  më të mira dhe më të këqija njerëzore – empatia, simpatia, mirësia, shqetësimi, zemërimi, zhgënjimi, kohezioni shoqëror dhe trimëria midis të tjerave. Prej vitesh, emocionet e kësaj natyre kanë nxitur mendimin krijues në të gjithë botën, me njerëzit që dalin me ide inovative dhe mënyra për t’u marrë me këto kohë të trazuara.

 

  1. Këshilli Indian për Marrëdhënie Kulturore (ICCR) me fokusin e tij në ndërtimin e lidhjeve kulturore me vendet në mbarë botën dhe lidhjen e njerëzve me njëri – tjetrin përmes shkëmbimeve kulturore dhe arsimore, u bën thirrje indianëve dhe qytetarëve të botës t’i shprehin këto emocione përmes një konkursi të titulluar “Të bashkuar kundër KORONËS – Shprehje përmes Artit.”

 

  1. Ky konkurs është i hapur për të gjithë artistët amatorë dhe profesionistë nga India dhe e gjithë bota për të gjitha kategoritë e moshave. Ngjarja inkurajon paraqitjet e shprehjeve artistike për të paraqitur emocionet, ndjenjat, idetë dhe mendimet e tyre inovative për COVID-19, distancimin shoqëror, karantinën dhe luftën kundër virusit përmes mediave vijuese:

 

  • Piktura – në telajo / letër – vaj, bojra uji, lapsa, bojra dhjami
  • Arti Digjital – Postera grafikë dhe Piktura

 

  1. Shprehjet e artistëve kategorizohen si më poshtë:
  • Art Bashkëkohor
  • Arti Folklorik & Fisnor
  • Karikaturat & Ilustrimet
  • Arti Dixhital & Epokës së Re

 

  1. Pjesëmarrësit nga India dhe nga e gjithë bota kërkohen të jenë në kategoritë e mëposhtme:

 

  1. Artistë profesionistë
  2. Artistë Amatorë
  • Fëmijët dhe Studentët – nën moshën 21 vjeç

 

  1. Pjesëmarrësve u kërkohet të dërgojnë fotografi me rezolucion të lartë (deri në një maksimum 10MB) të punës së tyre në ICCR deri më 1 maj 2020. Një juri e nivelit të lartë e përbërë nga artistë të shquar dhe personave të kulturës do të përzgjedhë veprat më të mira. Çmime tërheqëse do t’u jepen fituesve.

 

  1. Punimet më të mira do të ekspozohen në galeritë kryesore në Indi dhe jashtë saj. Një ekspozitë e përhershme në internet do të shfaqet gjithashtu. Një ngjarje madhështore do të mbahet në New Delhi me një ceremoni kulturore dhe dhënie çmimesh, data për të cilat do të përcaktohen në varësi të zgjidhjes së krizës COVID.

 

  1. ICCR beson se Arti na jep shpresë, qëllim dhe dëshirë për të parë përtej problemeve të këtyre kohërave të vështira. Kjo konkurs është një përpjekje për të zhvilluar solidaritet midis popujve të tokës dhe për të bashkuar shprehje të emocioneve të ngjashme që po përjetohen në të gjitha vendet. Gjatë shekujve, njerëzimi ka treguar rezistencë të madhe në tejkalimin e kohërave shqetësuese dhe ne do të dëshironim ta kapnim këtë moment, ta regjistronim këtë periudhë përmes shprehjes së pastër të Artit. Dora e artistit ngrin kohën dhe për përjetësinë rrëmben thelbin e emocioneve të shoqërisë në atë moment.

 

  1. Distancimi shoqëror, izolimi, karantina i kanë ndarë njerëzit fizikisht por në një mënyrë unike kjo i ka afruar njerëzit edhe më shumë me një vlerësim të madh të fatit të përbashkët të njerëzimit. Në këtë kohë, hapësira virtuale mund të shërbejë si analoge e hapësirës fizike duke siguruar një platformë për ndërthurjen e ideve dhe Artit. Kjo është arsyeja pse ICCR po e zhvillon këtë konkurs në hapësirën në internet, një vend ku mund të jenë së bashku ndërsa janë larg.

 

  1. Detajet dhe udhëzimet e pjesëmarrjes janë në: www.iccr.gov.in

 

  1. Për çdo pyetje, ju lutemi shkruani në: [email protected]